طريقة حفظ الليمون 4 شهور في الثلاجة

  • المقادير: تجيبى اى كمية ليمون انتى بتستخدميها ربع او نص او كيلو حتى بس بلاش تزودى عن كدا افضل

  • التحضير: وتسيبيه ناشف زى ما هو مش تغسليه

    وتجيبى ورق جرايد .. هنلف فيه الليمون بس مش كل الليمون ترميه كله فى ورقة وتلفيها وخلاص ههههههه لالالالا دا احنا هنلف ليمونة ليمونة

  • الطبخ: و انا باقطع الصفحة الواحدة مثلا 8 اربع متكونش الورقة صغيرة اوى عشان تعرفى تلفى فيها الليمونة وتبرميها من الجهتين زى الشكل التوفى كدا

    و بعدين هنجيب علبة بلاستيك بتتقفل كويس عشان ميدخلش لها مية

    و خدوا بالك من دا كويس ورق الجرايد انه بيمنع رطوبة التلاجة مياثرش على الليمون ولو دخل جوا العلبة مية الليمون اللى هيطوله مية هيضرب

    والافضل كل شهر نطلع الليمون من العلبة كل فترة نهويه ساعة كدا زى ما هو بالورقة مش نطلعه من الورقة ولا حاجة

    وبعدين ندخله العلبة وندخلها التلاجة

    لو هتجيبى كمية كبيرة كيلو مثلا

    لما تغلفى الييمون وتجى تعينيه فى العلبة متحطوش اى حاجة وهايش كدا هتلاقى ربع كيلو ملوا علبة كبيرة لانه هايش لكن رصيه كويس وزنقيه واملى الفراغات هتلاقى الكيلو اتحط كله

    الطريقة دى هتريحكم اوى هتجيبوا الليمون كل فترة وهتنسوا تروحوا تشتروا تانى

  • Post author:
  • Post published:30 مايو,2013
  • Post last modified:30 مايو,2013