أفكار مفيدة تساعد في استغلال المساحات الضيقة في الشقة – في هذا الدليل سنقدم بعض النصائح الي ستساعد في استغلال المساحات الضيقة في المنازل وسنقدم النصائح في عدد من النقط التي يمكن تنفيذها حسب رغبتكم وإمكانية تنفيذ الفكرة.

أفكار مفيدة تساعد في استغلال المساحات الضيقة في الشقة:

أولاً: استخدام الزجاج المصنفر في النوافذ بدلا من الزجاج الغامق :

الفكرة في هذه النقطه اننا نقدر نستخدم الزجاج المصنفر لادخال أكبر كمية ضوء في المكان وفي نفس الوقت بيستخدم كستاره للحفاظ على الخصوصية في المكان

ثانياً: نحاول اننا نفتح الشبابيك في المكان أكثر:

في مبدأ كدا لازم ناخد بالنا منه وهو ان الضوء بيدي للمكان مساحة ووسع أكتر وان الضل بيدي احساس أكتر بالضيق طيب نعمل أيه في النقطة ديه نحاول اننا ننسي الستاير شويه ونتجنب شويه الزجاج السميك في الشبابيك.

• أفكار مفيدة تساعد في فرش الشقق ضيقة المساحة
• أطعمة تزيد من تركيز الأطفال
• طريقة حفظ الأطعمة داخل الثلاجة

ثالثاً: استخدام مصابيح قوية بتوزيع جيد للإضاءة :

طبعا هتلاحظ في كلامنا التركيز على الأضاءة وبالتالي استخدام المصابيح ذات الاضاءة القوية هتقلل المساحات الضيقه في الليل

رابعا: استخدام المرايات:

استخدام المرايات هيضيف لك احساس بوسع المكان وبينشر الضوء بصوره أكبر طيب نحط المرايات ازاي ؟ ممكن أمام الشباك او نحط اتنين قدام بعض

خامسا: استخدام الالوان الفاتحة في ألوان الحائط والوان الاثاث

استخدام الالوان الفاتحة بيعكس الضوء الي جاي من مصدره سواء النور الي جاي من أشعة الشمس او الاضاءة الي مصدرها المصابيح

سادسا: نفرش الارضيات بلون ثابت:

يعني لما نيجي نفرش الأرضيات في المساحات الضيقة ممكن مثلا نستخدم سراميك لون واحد و نتجنب البلاطة والبلاطة او نستخدم موكيت لون واحد وفي نفس الوقت نختار لون أقرب من لون السقف عشان يدينا احساس باستمراريه اللون.

سابعا: نحاول اننا نستخدم الحوائط استخدام أمثل حتي السقف:

في صوره زي ديه هنلاقي ان المصمم او صاحب البيت مستخدم الاستخدام الامثل والاكمل للحوائط والسقف :

فلو بصينا للصورة دي هنلاقي ديكور المكان معمول بطريقة منظمة : فنلاحظ مكان الفرن و تنسيقة مع رخام المطبخ و الحوض و مكان التلاجه.

ثامنا: استخدام الأرفف العالية لتوفير المساحة:

النقطه الثامنه ممكن نستخدمها لو عندنا السقف عالي فنقدر نستغل المساحة الرأسية دي و نبتدي نحط ارفف مثلا أو خزانات معلقة و أفكار تانية كتيير

تاسعا: استخدام الاركان بذكاء:

استخدام الأركان بذكاء ممكن نستخدم فيه الدواليب ذات الشكل البيضاوي وبكدا نقدر منخدش حيز كبير من الركن او ممكن نستخدم كنب الاركان في استغلال المساحات الموجوده عندنا

عاشرا: الاعتماد على بساطه التصميم:

يعني نحاول على قد ما نقدر نستخدم الاثاث والأقمشه السادة بلاش المشجر والورد والمخططات والمقلمات الكتير شغلنا يكون سادة في سادة و Simple عشان ندي مساحة و راحة أكثر للعين

• طرق توفير الأموال عند التسوق
• أسباب ألم الظهر وطرق علاجه والوقاية منه
• قصة أشهر الأمثال العربية الشهيرة.. اللي ميعرفش يقول عدس

حادي عشر: استخدام الاثاث قصير الارتفاع:

وهنا نقول ان استخدام الاثاث قصير الارتفاع بيدي احساس أكبر بالاتساع ولازم الاعتماد يكون أكتر على القطع الصغيره الي متضيعش مساحات كبيره بحيث يكون ترتيبهم واستخدامه للمساحه أحسن وأحسن

ثاني عشر: أستخدام الاثاث متعدد الاستخدام:

هنا بقى ممكن نستخدم الكنبه الي ممكن تتفرد وتبقى سرير او الطاولات الي ممكن تكبر وتصغر